نوَزده سد ءُ شست ءُ نَو (1969) ھما وش بختیں سال انت کہ بلوچی ادب ءُ موسیقی ءِ یک درپشوکیں استالے ءَ پسنی ءَ وتی چم پچ کت آں۔ اء استال نور خان بزنجو ات۔ واجہ نور خان بزنجو ھما نام اِنت کہ چہ اء نامءَ کس بہ زانت نہ اِنت۔ اگاں ما بلوچی لبزانک ءِ بابتءَگپ بہ کناں گڈا نورخان ءِ نام الم ءَ گِرگ بیت۔ نورخانءَ وتی زندا وتی نامداری دستگءُ ھمک مردمءِ دِلے تہاجاگہ کُتگ۔ استاد نورخانءِ گوشداروک نہ ایوکءَ آئی دورے مردوم آں بلکیں آئی سوت آئیءِ مرگءَ پد ھم گوشدارگ ءُ دوست دارگ بنت۔
:واجہ ءِ بنداتی زند
واجہ نور خان بزنجو 04 دسمبر 1969 ءَ میر غلام سرور بزنجو ءِ لوگ ءَ ودی بوتگ۔ استاد ءَ وتی بنداتی وانگ چہ پسنی ءِ وانگ جاہ ءَ در برت ءُ پہ گیشین وانگ ءَکیچ ءَ شُت۔ نور خان ءَ چہ یونیورسٹی آف بلوچستان ءَ وتی ایم اے ءِ ڈگری گپت ۔ نور خان بزنجو یک اسکول ماسٹر ءِ بوتگ۔
:استاد ءِ موسیقی ءِبندات
لیتین چیز انچین بنت کہ انسان آھاں گچین کت نہ کنت آء پیدا بوھگ ءَ گوں انسان ءَ بندوک بنت ھمے وڈا استاد نور خان چہ کسانی ءَ موسیقی ءُ شاعریءَ گوں بندوک بوتگ۔ واجہ ءِ موسیقی ءِ بندات چہ استاد اعجاز ءِ دست چیری ءَ بوتگ۔ نور خان ءَ کلاسیکل ءُ غزل کراچی ءَ استاد اومر ءِ گورا ھیل کتگ۔
:نور خان بزنجو ءِ شاعری
موسیقار بوھگ ءَ ابید استاد نور خان بزنجو یک جوانیں شاعر ءِ ھم بوتگ ۔ واجہ ءِ شائری چو واجہءِ توار ءِ وڈا شرکین ءُ تامدار بوتگ ۔ نورخان ءَ بلوچی ءُ اردو شاعری ءِ تھا یک جوانیں دسترس ءِ بوتگ۔
:انچوش کہ واجہ گشیت
درگیتں در پہ در بہ بتیں انت۔
تو ما پندول ءٓ مارا زرت ءُ شت ٔے۔
ما آگاں سیم ءُ ذر بہ بتیں انت۔
تو گوں بدواھاں نند ءُ نیاد کنے
ما ھما روچ ءَ کر بہ بتیں انت۔
:او دگہ جاۓ واجہ گشیت
ھر ڈیھ ءُ ھمک ھند ءٔ ھر جاہ پُلگ بوتگ۔
مۓ زندگیں ارماںءِ کس جستءٓ نہ کنت چُونی
مۓ عمر شتگ گاری ، ارواہ پُلگ بوتگ۔
:ھمے ڈولءٓ استاد ءٓ اردو شاعری ہم کتگ چوکہ اے شہراں بچاراں
مجھ سے کرتی نہیں جب وفا زندگی۔
مجھ کو دیتی رہی حوصلہ زندگی
موت نے میرا دامن نہ چھوڈا کھبی۔
نور پیاسا نہ تھا پھر بھی پیاسا رہا۔
کربلا زندگی کربلا زندگی۔
:دگہ جاہ ءِ استاد نور خان بزنجو نبشتہ کنت
درد نے آج میرے دل میں جگہ پائی ہے
اب تو اپنے بھی چھوڈ چلے ہیں اے نور
اب اگر ہے کوئی غمخوار تو تنہائی ہے
:استادءِ نامداریں سُوت ءُ البم
نورخان ءَ وتی موسیقی ءِ پڈے کسانیں وھدے تہا پہ وتا یک مزنیں نامءِ ایرکُت۔ آئیءَ گوں وتی شِرکنیں توار ءَ بازیں دلاناں تاھیر بکشاتگ۔ نور خان بزنجو وتی دورے ھما موسیکار اِنت کہ ائی سوت ھمک پڈے مردماں دوست بنت۔ واجہءِ نامداریں البم آدینک، الہان، ءُ شیِرکنیں یات اَنت ءُ بازیں سُوت است اَنت کہ انگتا گوشدارگ ءُ دوست دارگ بنت۔
:اے سوتانی تہا
ھزار بھشت بہاپہ گُلے گُلابیں چم
- ھزار بھشت بہاپہ گُلے گُلابیں چم
- اگاں تو چہ ماں دل گراں ءِ مناءَ ماہ رنگ دگہ باز انت
-
دستہ پُل ءِ دیما رکءِ چہ پکن آں
دو آدینک آں سورت یکءِ چہ پکن آں - وتن وتن منی وتن بھشت ءُ زندگی وتن
نورخان ءُ قاضی ءِ کرد پہ لبزانک ءَ
انچش گشنت کہ شائر گوں وتی قلمءَ زندءِ ھمک پڈ ءُ جاوراں بیان کنت۔اگاں قاضی وتی لبز ماں کتاباں نکش کتگ آں بلے نور خان ءَ اے لبز گوں وتی آواز ءَ ناچ پرماتگ او اے لبزاناں زند بکشاتگ۔ اگاں ھُرتیءَ گوں چارگ بہ بیت بلوچی لبزانک بیدءِ قاضیءُ نودخانءَتامور انت۔
:قاضی ءِ لبزءُ نورخانءِ توار ءَ ھمک مردمانی دلاںءَ تاھیر بکشاتگ۔ انچش کہ اے گالاں بچاراں
دلءِ کم ءُ باز انت دلءَ جاگہ انت
کندیل تمامیں شہرءِ مراناں یک یک ءَ
نود شنزاں پہ مہپراں لال ءِ
تاروکیا ماں شانتگ انسان جبینءَ
:ادیب ءُ شائرانی نورخانءِ بابتءَ ھیال
نورخان موسیقیءِ پڈے ھما چراگ بوتگ کہ آئی ھمک شائرءُ ازمکارءِ گدانءَ وتی رژن تالاں کرتگ۔ نورخان ءِ بابت ءَ بازیں شائر ءُ ازمکاراں وتی ھیال چو اِء وڑا درشاں کتگ آں۔
:چوکہ عارف بلوچ گشیت
گوں نورخانءِ مرگءَ منی آوازءِ یک بہرے چہ من جُدا بوت۔
:ہمے پیما واجہ مبارک قاضی گشیت
من زانتگ کہ نورخان ءِ تہا چہ کسانی ءَ یک جوانیں ازمکارے ءِ درپش ودی اَنت۔
:واجہ استاد اعجاز علی گُشیت
نور خان پہ من یک شاگردءِ نہ بلکیں یک چُکءِ بوتگ ءُ بلوچی لبزانکءِ مزنیں ناماں چہ یک نامے بوتگ۔
واجہ نورخان بزنجوءَ مارا 5 اگست 2003 ءَ یلہ کُت ءُ وتی داھمی جاگہءَ شُت۔ نورخانءِ بیرانیءَ پد گُشے بلوچی موسیقیءِ دیوال کپت ءُ پُرشت۔ اء بلوچی لبزانکءِ بد بھتی اِنت کہ نورخان وتی کساں سالیءَ اے دنیا یلہ دات ءُ بلوچی ادبے یک رُژناھیں استالے تامور بُوت۔
میار پہ منی ادیرہءَ میار چراگ
About the authors:
Sohail Ahmed
Zoology LecturerSuhail Ahmad hails from Panjgur, Balochistan. He has done his graduation from the University of Balochistan in Zoology. His interests are in wildlife, marine science, and Balochi.
Amir Tahir
Amir Tahir hails from Panjgur, Balochistan. He has done his graduation from the University of Balochistan in Sociology. His interests are in Gender Studies, social issues, and Balochi.
